Afət Ziyadqızı
Rusiya hökuməti avqustun 1-dən etibarən Ukrayna ilə razılaşma əsasında fəaliyyət göstərən 20 nəzarət-buraxılış məntəqəsini bağlamaq barədə rəsmi qərar qəbul edib.
"Operativ Məlumat Mərkəzi-OMM" xəbər verir ki, müvafiq sənədi Rusiyanın baş naziri Mixail Mişustin imzalayıb və məhkəmə prosesi portalında dərc edilib.
Sənəddə deyilir:
“Rusiya Federasiyası Hökuməti ilə Ukrayna Hökuməti arasında dövlət sərhədində buraxılış məntəqələri haqqında” 1995-ci il 8 fevral tarixli sazişə əsasən yaradılmış Rusiya Federasiyasının dövlət sərhədindəki buraxılış məntəqələri əlavə edilmiş siyahıya uyğun olaraq avqustun 1-dən etibarən bağlanacaq.
Siyahıya yeddi dəmir yolu və 13 avtomobil keçid məntəqəsi daxildir. Sənəddə həmçinin Luqansk və Donetsk Xalq Respublikalarının, Xerson və Zaporojya vilayətlərinin referendumundan sonra Rusiya Federasiyasına birləşməsindən sonra 2022-ci ildən Ukrayna sərhədində olmayan sərhəd-keçid məntəqələri də sadalanır.
