Rusiya Müdafiə Nazirliyi gecə saatlarında Ukraynaya məxsus 99 pilotsuz uçuş aparatının (PUA) Rusiya bölgələri üzərində hava hücumundan müdafiə sistemləri tərəfindən vurulduğunu açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Nazirlikdən verilən açıqlamada Ukrayna ordusunun gecə saatlarında PUA-larla Rusiya ərazisinə hücum təşkil etdiyi bildirilib.
Açıqlamada 99 PUA-nın Rusiya hava hücumundan müdafiə sistemləri tərəfindən vurulduğu, onlardan 56-nın Belqorod, 25-nin Voronej, 7-nin Vladimir, 5-nin Kaluqa, 4-nün Tula, 1-nin Rostov, 1-nin Lipetsk bölgələri üzərində zərərsizləşdirildiyi bildirilib.
Rusiyanın Federal Hava Nəqliyyatı Agentliyi (Rosaviatsiya) ölkənin bəzi hava limanlarında təyyarələrin eniş və qalxmasına müvəqqəti məhdudiyyətlər elan edib.
Rusiya Müdafiə Nazirliyi Ukraynanın son günlər PUA-larla Rusiya ərazisinə hücumlarını intensivləşdirdiyini açıqlayıb.
