Ukrayna Prezidenti Volodimir Zelenski Rusiya Ordusunun Xarkov şəhərindəki uşaq bağçasına pilotsuz uçuş aparatı (PUA) ilə hücum etdiyini bildirib.
"Operativ Məlumat Mərkəzi-OMM" xəbər verir ki, Zelenski bu barədə "Telegram" hesabında yazılı açıqlama verib:
“Ruslar Xarkovda uşaq bağçasına PUA ilə hücum ediblər. Hücum nəticəsində bir nəfər ölüb, 7 nəfər yaralanıb. Binadakı bütün uşaqlar təxliyə olunaraq sığınacağa aparılıb. Uşaq bağçasına edilən bir PUA hücumunun heç bir haqq qazandırıla biləcək səbəbi yoxdur. Rusiyanın getdikcə daha da həyasızlaşdığı aydındır”.
Xarkovun meri İqor Terexov da sosial şəbəkə hesabında verdiyi açıqlamada, hücum nəticəsində ölən və yaralananlar arasında uşaq olmadığını bildirib.
