Ukraynanın Xarici İşlər naziri Dimitri Kuleba Rusiya ordusuna məxsus pilotsuz uçuş aparatlarının Ruminiya ərazisinə düşdüyünü iddia edib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə XİN başçısı jurnalistlərə açıqlamasında bildirib.
İddiaların ardından Rumiya tərəfindən hadisə ilə bağlı cavab gəlib. Belə ki, Ruminiya XİN başçısı Luminita Odobesku deyilənləri təkzib edib.
"Əlbəttə, bir risk var. Çünki orada baş verənlər sərhədlərimizə çox yaxındır. Belə bir qəza və ya hadisə riski ola bilər, amma hələlik belə bir şey yoxdur", - deyə Odobesku bildirib.
