Rud van Nistelroy İngiltərənin "Lester" futbol klubunun baş məşqçisi olacaq.
"Operativ Məlumat Mərkəzi-OMM" xəbər verir ki, bu barədə “The Telegraph” məlumat yayıb.
Məlumata görə, artıq tərəflər arasında razılıq əldə olunub, məşqçilər korpusunun üzvləri ilə yekun danışıqlar aparılır.
Oktyabrın 28-də həmyerlisi Erik ten Haq işdən çıxarıldıqdan sonra van Nistelroy İngiltərənin "Mançester Yunayted" klubunun müvəqqəti baş məşqçisi təyin edilib. Onun rəhbərliyi altında "Mançester Yunayted" bütün turnirlərdə üç qələbə qazanıb və bir dəfə heç-heçə edib.
"Lester" İngiltərə çempionatının turnir cədvəlində 16-cı yerdədir. Komandanın 12 turdan sonra 10 xalı var.
