ABŞ prezidenti Donald Tramp İrana hücum edib-etməmək barədə hələ yekun qərar vermədiyini, həmçinin Yaxın Şərqdə münaqişəyə qarışmaq istəmədiyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp İsrail-İran gərginliyi ilə bağlı yeni qiymətləndirmələr edib.
İsrailin İrana hücuma başladığı gün barədə danışan Tramp, gərgin və dağıdıcı bir gecənin keçdiyini və bundan sonra münaqişənin kəskinləşdiyini bildirib.
"Nə edəcəyim barədə fikirlərim var, amma hələ son qərarı verməmişəm. Qərarımı son saniyə vermək istəyirəm, çünki müharibədə hər şey dəyişir", - o bildirib.
