"Varşava Ukraynanın milli maraqlarını Polşanın maraqlarından üstün tutmaqdan imtina edir".
"Operativ Məlumat Mərkəzi-OMM" xəbər verir ki, bu sözləri Polşa Prezidenti Karol Navrotski deyib.
“Bu münasibətlər tərəfdaşlıq əsasında qurulmalıdır. Polşa dövlətinin maraqları ilə Ukraynanın maraqları arasında balans tapılmalıdır. Polşanın maraqlarını Ukraynanın bütün tələblərinin yerinə yetirilməsinə zəmanət verən bir şey kimi görmək olmaz,” - o bildirib.
Navrotski vurğulayıb ki, o, hər zaman vacib məsələlərdə polyakların səsi ilə danışacaq.
Sentyabr ayında Navrotski sonuncu dəfə ukraynalılara xüsusi yardım haqqında qanunu imzalayıb.
