Afət Ziyadqızı
Qərbi Afrika ölkələrindən biri olan Nigeriyada 88,4 milyon insan ifrat yoxsulluq içində yaşayır.
"Operativ Məlumat Mərkəzi-OMM" xarici mətbuata istinadən xəbər verir ki, ölkənin Kənd Təsərrüfatı və Ərzaq Təhlükəsizliyi Nazirliyinin katibi Temitope Fadeşemi ölkədəki yoxsulluq səviyyəsinin həyəcanverici olduğunu vurğulayıb.
Fadeşemi, 2022-ci ilə qədər dünya əhalisinin ifrat artıq yoxsulluq içində olan dünya əhalisinin 12,9 faizinin Nigeriyada yaşadığını qeyd edib.
Hakimiyyətin ölkədə yoxsulluqla mübarizədə mühüm addımlar atdığını deyən Fadeşemi hökumətin fermerlərlə əməkdaşlıq çərçivəsində müxtəlif proqramlar təşkil etdiyini bildirib.
Afrika qitəsinin zəngin neft və təbii qaz ehtiyatlarına malik olan Nigeriyada gəlir bərabərsizliyi, “Boko haram və digər silahlı dəstə üzvlərinin hücumları kimi problemlər ölkə iqtisadiyyatına mənfi təsir göstərir.
İqtisadi böhran və təhlükəsizlik problemləri səbəbilə çətin şəraitdə yaşayan bəzi nigeriyalılar daha yaxşı həyat ümidi ilə qeyri-qanuni yollarla Avropaya getməyə çalışırlar.
