“Neftçi” yeni transferi İqor Ribeyro ilə 2 illik müqavilə imzalayıb.
Klubdan "Operativ Məlumat Mərkəzi-OMM"-ə verilən məlumata görə, paytaxt təmsilçisində 5 nömrəli formanı geyinəcək braziliyalı müdafiəçi artıq komanda ilə məşqlərə qoşulub.
“Neftçi”yə keçidi ilə bağlı təəssüratlarını bölüşən futbolçu xoşbəxt olduğunu bildirib: “Artıq “ağ-qara” formanı geyindim, bu ailənin bir parçasıyam. Birlikdə bizi yaxşı yol gözləyir. Hər kəsə qucaq dolusu salamlar”.
Qeyd edək ki, İqor Ribeyro “Neftçi”yə “Araz-Naxçıvan”dan keçib.
