Kubada 17 nəfər saxlanilib - Rusiyaya görə

Kubada Rusiya üçün muzdlular cəlb edən cinayət təşkilatı ilə bağlı 17 nəfərin saxlanıldığı bildirilib.

"Operativ Məlumat Mərkəzi-OMM" xarici KİV-ə istinadən xəbər verir ki, Kubanın Daxili İşlər Nazirliyi məsələ ilə bağlı verdiyi açıqlamada onlar arasında cinayətkar dəstənin rəhbəri də olduğunu qeyd edib.

Saxlanılan şəxslər insan alveri, muzdluların cəlb edilməsi və xarici dövlətə qarşı düşmənçilik hərəkətləri etməkdə ittiham olunurlar və onları 30 ilə qədər həbs cəzası gözləyə bilər.