Afət Ziyadqızı
Xalqların Demokratik Partiyasının (HDP) liderliyi ilə bu gün beş bölgənin 23 müxtəlif şəhərində Novruz şənliyi keçirilib.
"Operativ Məlumat Mərkəzi-OMM" xarici KİV-ə istinadən xəbər verir ki, HDP-nin Hüquq və İnsan Haqları Komissiyasının sözçüsü, vəkil Serhat Eren İstanbulda qeyd edilən Novruz şənliklərindən sonra yürüşə çıxan kütləyə polisin müdaxilə etdiyini və nəticədə 240 nəfərin saxlanıldığını bildirib.
Bayram tədbirlərinin keçirildiyi bir çox yerlərdə yağışlı hava olub. Bununla belə, bütün şənliklərdə iştirak yüksək olub. Soyuq hava və yağış səbəbindən şənliklər erkən başa çatıb.
