İsrailin baş naziri Benyamin Netanyahu ABŞ prezidenti Donald Trampla Vaşinqtonda apardıqları danışıqlarda İrana qarşı “böyük qələbənin” nəticələrini müzakirə etdiklərini bildirib.
"Operativ Məlumat Mərkəzi-OMM" xəbər verir ki, o, bu barədə görüşdən sonra ofisinin yaydığı videomüraciətdə belə deyib.
İsrailin baş naziri deyib ki, görüşdə regionda sülhün möhkəmləndirilməsi və bəzi ərəb ölkələrinin ABŞ-ın vasitəçiliyi ilə İsraillə münasibətlərini normallaşdırdığı “İbrahim razılaşması” adlanan sazişin genişləndirilməsi üçün yeni imkanlar müzakirə olunub.
Netanyahu bu istiqamətdə işlərin aktiv mərhələdə davam etdiyini vurğulayıb.
