İsrail ordusu Qəzza zolağında fələstinli qaçqın düşərgələrinə və humanitar zonalara hücum edir.
"Operativ Məlumat Mərkəzi-OMM" xəbər verir ki, bu barədə Qətərin “Əl-Cəzirə” telekanalı məlumat yayıb.
Məlumata görə, hərbçilər anklavın şimalında yerləşən Cəbəliyə düşərgəsinin şimal-şərq ərazilərində yaşayış binalarını partladırlar.
Bu cür hücumlar nəticəsində azı 10 nəfərin həlak olduğu qeyd edilir.
Ordu bölmələri sektorun cənubundakı humanitar zonalara da zərbələr endirir. Xüsusilə, Xan Yunis şəhəri yaxınlığında yerləşən Əl-Mavasi düşərgəsinin kütləvi atəşə tutulması qeydə alınıb.
