İsrail hərbçiləri Livanın cənubundakı Bəraşit kəndi yaxınlığında Hizbullahın komandirini zərərsizləşdirib.
"Operativ Məlumat Mərkəzi-OMM" xəbər verir ki, bu barədə ordunun mətbuat xidməti məlumat yayıb.
“İsrail Hərbi Hava Qüvvələri Bəraşit bölgəsində Hizbullahın komandiri Əbu Əli Ridi vuraraq öldürüb”, - məlumatda deyilir.
Ordunun mətbuat xidmətinin məlumatına görə, Rid İsrail əsgərlərinə raket hücumlarının planlaşdırılması və həyata keçirilməsinə cavabdeh olub.
Mətbuat xidməti əlavə edib ki, İsrail qoşunları Livanın cənubunda reydləri davam etdirir.
