İsrail ordusu Suriyanın paytaxtı Dəməşq şəhərinə raket zərbəsi endirib.
"Operativ Məlumat Mərkəzi-OMM" Suriyadakı xəbər agentliklərinə istinadən xəbər verir ki, İsrail Silahlı Qüvvələri paytaxtın cənub-qərbində yerləşən Kfar Susa yaşayış məntəqəsini atəşə tutub.
Hücum nəticəsində 10 mərtəbəli yaşayış binasın 4-cü mərtəbəsinə ciddi ziyan dəyib. Bir sıra mənbələr bombardman zamanı 2 nəfərin həlak olduğunu açıqlayıb.
Bu, 2024-cü ildə İsrail tərəfindən Suriya ərazisinə edilən 13-cü hücum olub.
İsrailin müdafiə qüvvələri həmçinin Qəzza zolağı boyunca HƏMAS-ın mövqelərinə zərbələr endirməyə davam edir.
Hücumlar nəticəsində son sutkada 118 fələstinli həlak olub.
Zərbələrdən biri Nuseyrat qaçqın düşərgəsi yaxınlığında hərəkətdə olan avtomobilə tuş gəlib. Hadisə zamanı avtomobildəki 6 nəfərin həlak olduğu açıqlanıb.
Bununla yanaşı, ötən gecə Rəfah şəhərinə edilən intensiv hücumlar zamanı bir ailənin 5 üzvü ölüb.
