Tehran hələ də ABŞ prezidenti Donald Trampdan İranın nüvə proqramı ilə bağlı Ali Rəhbər Ayətullah Əli Xamneyiyə məktub almayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu məktub vasitəçi tərəfindən çatdırılacaq.
"Məktub yazılıb, amma hələ bizə çatmayıb. Yaxın vaxtlarda ərəb ölkələrindən birinin nümayəndəsinin Tehrana çatdıracağına dair razılaşma var”, - deyə İran Xarici İşlər Nazirliyinin rəhbəri Abbas Əraqçi deyib.
Bundan əvvəl ABŞ prezidenti Donald Tramp İranın ali dini lideri Əli Xamneyiyə məktub göndərdiyini açıqlamış və əlavə etmişdi ki, o, İranın nüvə problemini hərbi yolla həll etməyə çalışmaqdansa, Tehranla İranın nüvə proqramı ilə bağlı razılığa gəlməyə üstünlük verir.
