Afət Ziyadqızı
İran parlamentinə XXII çağırış seçkilərlə bağlı təbliğat kampaniyası başlayıb.
"Operativ Məlumat Mərkəzi-OMM" xəbər verir ki, bu barədə İRNA məlumat yayıb.
Bildirilib ki, təbliğat kampaniyası fevralın 29-u saat 8-dək davam edəcək.
Məlumata görə, İranın daxili işlər naziri Əhməd Vahidi deputatlığa namizəd olmaq istəyən 15 min 200 nəfərlə bağlı üç ay Nəzarət Şurası tərəfindən araşdırma aparıldığını bildirib. İnformasiyaya əsasən, təkcə Tehran, Rey, Şemiranat, İslamşəhr və Pardis seçki dairələrində 3545 namizəd parlamentə üzv olmaq uğrunda mübarizə aparır.
Martın 1-də İran İslam Şurası Məclisinə (parlament) və Dini Ekspertlər Şurasına (Məclise Xübreqan) seçkilər keçiriləcək. Parlament 290 yerdən, Dini Ekspertlər Şurası isə 88 müctəhiddən ibarətdir. Şura İranın ali rəhbərini (hazırda ayətullah Seyid Əli Xamənei bu vəzifəni tutur) və rəhbərliyi seçir.
