İran ABŞ administrasiyasının şəxslər və şirkətlərə qarşı tətbiq etdiyi yeni sanksiyaları beynəlxalq sülh və təhlükəsizliyə təhdid kimi qiymətləndirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, xarici İşlər nazirliyinin sözçüsü İsmayıl Beqayi ABŞ-nin İranın neft naziri Paknejad və İran neftini daşıyan gəmiləri idarə edən bəzi şirkətlərə qarşı tətbiq etdiyi yeni sanksiya qərarını pisləyib.
Amerikalı rəsmilərin danışıqlara hazır olduqlarına dair açıqlamalarına işarə edən Beqayi, İrana qarşı yeni sanksiyalar ABŞ-nin qanunsuzluq və danışıqlar ritorikasının aldatmadan başqa bir şey olmadığının sübutudur deyib:
“ABŞ-nin müstəqil ölkələrə qarşı sanksiya və təzyiq siyasətindən asılılığı beynəlxalq səviyyədə qanunun aliliyinin pozulması, beynəlxalq sülh və təhlükəsizliyə təhdiddir”.
