Hindistan və ABŞ ticarət danışıqları bərpa edəcək

ABŞ rəsmiləri ticarət razılaşmasını müzakirə etmək üçün sentyabrın 15-i axşam saatlarında Hindistana səfər edəcəklər.

"Operativ Məlumat Mərkəzi-OMM" xəbər verir ki, bu barədə "Bloomberg" agentliyi məlumat yayıb.

Bildirilir ki, bir neçə həftəlik fasilədən sonra tərəflər, Hindistanın Rusiya neftini alması fonunda yaranmış gərginliyə baxmayaraq, danışıqları yenidən bərpa etmək qərarına gəliblər.

Hindistanın ticarət və sənaye inkişafı naziri Sunil Barthval açıqlamasında qeyd edib ki, hər iki ölkə danışıqlarda irəli sürüləcək məsələlərə müsbət yanaşır.

"Bloomberg"in məlumatına görə, yaxın həftələrdə ABŞ Prezidenti Donald Tramp və Hindistanın baş naziri Narendra Modi arasında da birbaşa danışıqların baş tutması gözlənilir.