Donald Tramp administrasiyası ilə Harvard Universiteti arasında mübahisə davam edir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ Prezidenti Donald Trampın administrasiyası Harvard Universiteti və onun hüquq jurnalı olan "Harvard Law Review"da məqalə seçimində “irqə əsaslanan ayrı-seçkilik” iddiaları ilə bağlı araşdırmaya başlayıb.
ABŞ Təhsil Departamenti ilə Səhiyyə və İnsan Xidmətləri Departamenti birgə bəyanatda "Harvard Law Review" jurnalı və jurnalın məqalə seçimində irqdən əsas götürdüyünə dair iddiaların ardınca araşdırmaya başladığını açıqlayıb.
Açıqlamada, istintaqın jurnalın irqlərinə görə yazıçılara üstünlük verdiyi və ləyaqətini nəzərə almadığı iddialarını araşdıracağı və jurnalın maliyyə əlaqələri, audit prosedurları, üzvlük və məqalə dərci seçim siyasətlərini əhatə edəcəyi bildirilib.
