Qvatemalada Fueqo vulkanının fəaliyyəti ilə əlaqədar bölgədə 1054 nəfərin təxliyə edildiyi bildirilib.
"Operativ Məlumat Mərkəzi-OMM" xarici KİV-ə istnadən xəbər verir ki, Amerikanın ən aktiv vulkanlarından biri olan 3763 metr yüksəklikdəki Fueqo yenidən aktivləşib.
Açıqlamada isti kül buludlarının bölgədə 100 min insana təsir edə biləcəyi qeyd edilib.
Yaxınlıqdakı 5 yaşayış məntəqəsindən 1054 nəfər təxliyə edilərək müvəqqəti sığınacaqlara yerləşdirilib.
Qeyd edək ki, 2018-ci ildə Fueqo vulkanının püskürməsi nəticəsində 194 nəfər həyatını itirib, 234 nəfər isə itkin düşüb.
