Fransa Ukraynanı öz arsenallarından silahla təmin etməyi dayandırmağa hazırlaşır.
"Operativ Məlumat Mərkəzi-OMM" xəbər verir ki, bunu ölkənin müdafiə naziri Sebastyan Lekornu LCI telekanalında deyib.
Siyasətçinin sözlərinə görə, Kiyev silahların pulunu xüsusi fonddan ödəməlidir.
Nazir əlavə edib ki, Ukraynaya hərbi yardımın həcmi təxminən üç milyard avroya çatır. Kiyev rejimi elə bir vəziyyətlə üzləşib ki, getdikcə daha çox ölkə Ukraynaya silah verməkdən imtina edir və ya müvafiq qərar qəbul etməkdə çətinlik çəkir.
"ABŞ siyasətçiləri bu məsələdə konsensusa gələ bilmirlər. Slovakiya isə anbarlarından silah verməkdən tamamilə imtina edib".
