Finlandiya piyada əleyhinə minalarını 2026-cı ilin yanvarında istismara qaytaracaq.
"Operativ Məlumat Mərkəzi-OMM" xəbər verir ki, bu barədə "Yle" məlumat yayıb.
Məlumata görə, milli müdafiə islahatı və ordunun inkişafı ilə bağlı mətbuat konfransında danışan polkovnik Riku Mikkonen, "gələn ilin yanvar ayından başlayaraq müdafiə sistemimizə əlavə olaraq piyada əleyhinə minaların istifadəsinə imkan verəcək tədbirləri hazırlamağa başlayacağıq" deyib.
Piyada əleyhinə minalar 2012-ci ildə qüvvəyə minən Ottava Müqaviləsinə əsasən xidmətdən tədricən çıxarılıb. Finlandiya keçən il geri çəkilib və altı aylıq gözləmə müddəti yanvarın 10-da başa çatır.
Polkovnik bəyan edib ki, gələn ildən Finlandiya Silahlı Qüvvələri mövcud silahların bir hissəsini istifadə edə biləcək.
