"Fənərbaxça" mövsüm arası transferləri üçün hazırlıqlara başlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, "sarı-lacivərtlilər" bir tərəfdən Anderson Taliskanın transferini rəsmi olaraq yekunlaşdırmağa yaxınlaşarkən, digər tərəfdən isə Jose Mourinhonun komandadakı boşluqları doldurmaq istəyini nəzərə alır.
Portuqaliyalı məşqçi sol müdafiə mövqeyinə əlavə etmək planı ilə dəyişiklik edib.
Filip Kostiç və Mert Müldürün performansından məmnun olan təcrübəli məşqçi Levent Mercanı da nəzərdən keçirib və sol müdafiə mövqeyinə alternativ olaraq müdafiəçi istəyib.
Mourinhonun tələbindən sonra PSV-dən Olivier Boscagli gündəmə gəlib.
Mövsüm sonu müqaviləsi bitəcək olan fransalı futbolçunun sol müdafiədə oynama bacarığı bu seçimdə təsirli olub.
Transfer bazarında dəyəri 27 milyon avro olaraq göstərilən 27 yaşlı futbolçu azad agent kimi İstanbul klubuna qoşula bilər.
BOSCAGLI KİMDİR?
- Yaş: 27
- Doğum yeri: Monako
- Boy: 1.81 m
- Mövqe: Müdafiəçi
- Müqavilə sonu: 30 iyun 2025
- Klublar: Nice, Nimes, PSV
