Elbrus dağında kanat yolunun qırılması nəticəsində iki nəfər həyatını itirib.
"Operativ Məlumat Mərkəzi-OMM" xəbər verir ki, bu barədə Kabardin-Balkar Respublikasının rəhbəri Kazbek Kokov öz Teleqram kanalında məlumat verib.
“Elbrus dağında tək oturacaqlı kanat yolunda baş vermiş qəza nəticəsində 2 nəfər həlak olub. Hadisə yerində xilasedicilər işləyir,” – Kokov qeyd edib.
İlkin məlumatlara görə, qəzanın səbəbi kanatın dayaqlardan birindəki diyircəkdən çıxaraq sürüşməsi olub.
Hazırda xilasedicilər həlak olanların cəsədlərini təxliyə edirlər. Digər xəsarət alanlar barədə məlumat yoxdur.
Xatırladaq ki, bu yaxınlarda Elbrus dağında, 2800 metr yüksəklikdə, 26 yaşlı Belaruslu turist həyatını itirmişdi.
