Dünyada mövcud olan nüvə başlıqlarının sayı açıqlanıb

Nüvə silahları ilə bağlı fikir ayrılıqları davam etsə də, dünyada 12512 nüvə başlığı var. Son illər ölkələr tərəfindən bu sahəyə qoyulan investisiyalar 82 milyard dolları ötüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hesabata görə, dünyada nüvə başlıqlarının sayı azalmaqda davam etsə də, bu, xüsusilə ABŞ və Rusiyanın istifadə olunmamış döyüş başlıqlarını ləğv etməsi ilə bağlıdır.

Aktiv döyüş başlıqlarının sayında qlobal azalma gecikmiş kimi görünür və onların sayı yenidən artır.