"Liverpul" hücumçu Darvin Nunes üçün transfer təkliflərini nəzərdən keçirməyə hazırdır.
"Operativ Məlumat Mərkəzi-OMM" xarici KİV-ə istinadən xəbər verir ki, İngiltərə klubu futbolçunun qiymətini 50-60 milyon funt-sterlinq (təxminən 60-72 milyon avro) təyin edib.
25 yaşlı futbolçu ilə İtaliyanın "Milan" klubu maraqlanır.
“Qırmızılar”ın baş məşqçisi Arne Slot uruqvaylıya bu mövsüm çox şans vermir və oyunçunun klubdan ayrılmasına razılıq verib.
Xatırladaq ki, 2022-ci ilin yayında “Liverpul” Darvin Nunesi Portuqaliya “Benfika”sından 85 milyon avroya alıb.
