OMM Redaksiyası
Danimarka hərbi helikopteri beynəlxalq sularda Rusiya hərbi gəmisini fotoya çəkərkən atılan işıqlandırıcı mərmilərin hədəfinə çevrilməkdən cəmi bir neçə metr məsafədə olub.
Danimarkanın müdafiə naziri Jeppe Bruusun sözlərinə görə, Rusiya hərbi gəmisi bazar ertəsi helikopterə doğru iki flare atıb. Mərmilərdən biri Fennec tipli hərbi hava gəmisinin çox yaxınlığından keçib.
Bruus bildirib ki, atəş açılmazdan əvvəl Rusiya tərəfi heç bir xəbərdarlıq etməyib və radio əlaqəsi yaratmayıb. Nazir helikopterin Rusiya freqatını çəkmək üçün dəfələrlə həyata keçirilmiş adi müşahidə marşrutu üzrə uçduğunu deyib.
Rusiya isə Danimarkanı gəmisinin yaxınlığında “təhlükəli manevrlər” etməkdə ittiham edib və insidentlə bağlı araşdırma apardığını açıqlayıb.
Rusiyanın Danimarkadakı səfiri Vladimir Barbin bildirib ki, Moskva hadisəni hərtərəfli araşdıracaq. O, danimarkalı hərbi helikopterlərin beynəlxalq sularda Rusiya hərbi gəmilərinin yaxınlığında təhlükəli manevrlər etməsinin ilk hal olmadığını deyib.
Danimarka Xarici İşlər Nazirliyi insidentlə əlaqədar Rusiyanın səfirini görüşə çağırıb. Hadisə Gedser sahillərində, rutin müşahidə missiyası zamanı baş verib.
