Çin Xarici İşlər Nazirliyinin sözçüsü Mao Ninq brifinqdə ABŞ-nin beynəlxalq sularda digər ölkələrə məxsus gəmiləri ələ keçirməsini beynəlxalq hüququn ciddi şəkildə pozulması kimi qiymətləndirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Diplomat Atlantik okeanında Rusiya tankerinin saxlanılması ilə bağlı şərhində bildirib ki, bu cür addımlar qəbuledilməzdir:
“ABŞ tərəfindən beynəlxalq sularda digər ölkələrin gəmilərinin özbaşına saxlanılması beynəlxalq hüququn ciddi şəkildə pozulmasıdır”.
Mao Ninq vurğulayıb ki, Çin beynəlxalq hüququn prinsiplərinə hörmət olunmasının və bütün dövlətlərin qanuni hüquq və maraqlarının qorunmasının tərəfdarıdır.
