"Çelsi" bu yay "İnter"in qapıçısı Andre Onanı almaq istəyir.
"Operativ Məlumat Mərkəzi-OMM" "La Gazzetta dello Sport"-a istinadən xəbər verir ki, London və Milan klublarının nümayəndələri yaxın vaxtlarda futbolçunun transferi ilə bağlı danışıqlar aparmağı planlaşdırır.
Qeyd edilib ki, "Çelsi"nin qapıçısı Eduard Mendi qarşıdakı transfer pəncərəsində "Stemford Bric"i tərk edəcək. Londonlular Kepa Arrizabalaqa ilə bərabər şəraitdə rəqabət apara biləcək qapıçı ilə müqavilə imzalamaqda maraqlıdırlar.
Bildirilir ki, “İnter” Onanın satışından ən azı 40 milyon avro əldə etmək niyyətindədir.
