Cənubi Afrika Respublikasında hakim Afrika Milli Konqresi partiyası mayın 29-da keçirilən seçkilərdə parlamentdə çoxluğu itirərək Milli Assambleyada (parlamentin aşağı palatası) 400 yerdən 159-unu qazanıb.
"Operativ Məlumat Mərkəzi-OMM" xəbər verir ki, bu barədə ölkənin Müstəqil Seçki Komissiyasının (MSK) sədri Mosoto Moepia seçkilərin yekun nəticələrini təqdim edərkən bildirib.
Eyni zamanda, hakim partiya doqquz əyalət qanunvericilik şurasından beşində çoxluğu qoruyub saxlaya bilib. Seçkilərdə qeydə alınmış 27,7 milyon seçicinin 16,2 milyon nəfəri səs verib.
Seçkilərdə 70 partiya və bir qrup müstəqil namizəd iştirak edib. Bütün doqquz vilayətin Milli Məclisinin və qanunvericilik məclislərinin yeni tərkibi formalaşdırılıb. Milli Assambleya növbəti 14 gün ərzində öz üzvləri arasından ölkənin yeni prezidentini seçməlidir. Bunun üçün namizəd ən azı 50% üstəgəl deputatların bir səsini almalıdır.
