Böyük Britaniya Rusiyaya qarşı tətbiq etdiyi sanksiyaları daha da sərtləşdirib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Böyük Britaniya Xarici İşlər Nazirliyi məlumat yayıb.
Qeyd edilib ki, yeni sanksiya paketinə Rusiyanın “kölgə donanması”na aid 20 gəmi və 10 şəxs əlavə edilib.
Londonda bildirirlər ki, yeni sanksiyalar Rusiya iqtisadiyyatına təzyiqləri artırmaqla yanaşı, Kremlin müharibə resurslarını zəiflətməyə yönəlib.
Britaniya rəsmiləri Avropa İttifaqı və digər tərəfdaşlarla koordinasiyalı şəkildə gələcəkdə də əlavə tədbirlər görməyə hazır olduqlarını bəyan ediblər.
