Bolqarıstan Prezidenti Rumen Radev daxili siyasi problemlərə görə Azərbaycana rəsmi səfərini ləğv edib.
"Operativ Məlumat Mərkəzi-OMM" xəbər verir ki, bu barədə Bolqarıstan liderinin mətbuat xidməti məlumat verib.
"Telefon danışığı zamanı Rumen Radev və İlham Əliyev qarşılıqlı maraq doğuran sahələrdə ikitərəfli əməkdaşlığın genişləndirilməsi perspektivlərini müzakirə ediblər. Ölkələrimiz arasında enerji, investisiya, nəqliyyat və biznes əlaqələrində tərəfdaşlığın inkişaf etdirilməsinin mümkünlüyünü qeyd ediblər".
Bolqarıstan Prezidenti texniki hökumətin təyin edilməsi və ölkə parlamentinə yeni seçkilərin keçirilməsi ilə bağlı daxili siyasətdəki problemlərin həlli zərurəti ilə əlaqədar zəngin beynəlxalq proqramı dəyişdirmək niyyətini açıqlayıb.
