İsrail hökuməti noyabr ayında humanitar missiyaların təxminən 35%-nin Qəzza zolağına daxil olmasına icazə verməyib.
"Operativ Məlumat Mərkəzi-OMM" xəbər verir ki, bu barədə BMT-nin İşğal olunmuş Fələstin Ərazilərindəki Humanitar Məsələlərin Əlaqələndirilməsi Ofisi (OCHA) məlumat yayıb.
Sənəddə qeyd olunub ki, noyabrın 1-dən noyabrın 25-dək Qəzza zolağına ümumilikdə 456 humanitar missiya planlaşdırılıb.
Bunlardan 184 missiyaya (40%) yardım edilib və 158 missiyaya (35%) giriş qadağan edilib.
Digər 73 missiya (16%) maneələrlə qarşılaşıb və 41 missiya (9%) maddi-texniki və ya təhlükəsizlik problemləri səbəbindən ləğv edilib.
