Çinin sədri Si Cinpin Tiencin keçirilən ŞƏT-in genişləndirilmiş iclasında qlobal idarəetmə təşəbbüsü irəli sürüb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Qlobal idarəçilik təşəbbüsünü irəli sürmək və daha ədalətli qlobal idarəetmə sistemini birgə qurmaq və bəşəriyyət üçün ortaq gələcəyi olan bir cəmiyyət qurmaq üçün bütün ölkələrlə işləmək istərdim", - o deyib.
Təşəbbüsə görə, ölçüsündən, gücündən və sərvətindən asılı olmayaraq bütün ölkələr qlobal idarəçilikdə bərabər iştirak və imkanlara malik olmalıdır. "Biz beynəlxalq münasibətlərin demokratikləşməsini təşviq etməli və inkişaf etməkdə olan ölkələrin təmsilçiliyini genişləndirməliyik".
Bundan əlavə, Çin prezidenti beynəlxalq hüququn aliliyi prinsipinə riayət edilməsinin, eləcə də ikili standartlardan və ayrı-ayrı ölkələrin “ev qaydaları”nı başqalarına sırımaqdan çəkinməyin zəruriliyini qeyd edib.
