"Bu həftə Rusiya Prezidenti Vladimir Putinlə ABŞ liderinin xüsusi nümayəndəsi Steven Uitkoff arasında görüş keçiriləcəyini istisna etmirik".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
“Biz belə bir görüşün keçirilməsinin mümkünlüyünü istisna etmirik”, - o bildirib.
Peskov, həmçinin qeyd edib ki, Putin ekspertlər səviyyəsində görüş hazırladıqdan sonra Vladimir Zelenski ilə görüşməyə hazırdır.
"Bütün hazırlıq işləri hələlik görülməyib. Və xatırlatmaq istəyirəm ki, prezidentin özü də belə bir görüşün keçirilməsini istisna etmir. Lakin ekspert səviyyəsində zəruri işlər görüldükdən və lazımi məsafə qət edildikdən sonra gerçəkləşəcək", - Peskov əlavə edib.
