ABŞ-ın hazırkı lideri Co Bayden Ukraynanı dəstəkləməyin milli maraqlara uyğun olduğuna inanır və yeni seçilmiş prezident Donald Trampı ona kömək etməyə davam etməyə çağırıb.
"Operativ Məlumat Mərkəzi-OMM" xəbər verir ki, bu barədə ABŞ prezidentinin milli təhlükəsizlik üzrə köməkçisi Ceyk Sallivan məlumat verib.
"Bayden vurğuladı ki, Ukraynanı dəstəkləmək ABŞ-ın təhlükəsizliyinə töhfə verir, çünki təcavüzkarlara müqavimət göstərən güclü və sabit Avropa Amerikanın 20-ci əsrdə iki dəfə etdiyi kimi, Avropa qitəsində münaqişəyə cəlb olunma riskini azaldır", - Sallivan deyib.
Onun sözlərinə görə, Bayden izah edib ki, Konqresin Ukrayna üçün ayırdığı vəsait sadəcə başqa ölkəyə ötürülmür, həm də Amerika işlərinə və ABŞ ehtiyacları üçün silah istehsalına yatırılır.
