Banqladeşin paytaxtında yerləşən ticarət mərkəzində baş vermiş yanğın nəticəsində həlak olanların sayı artıb.
"Operativ Məlumat Mərkəzi-OMM" xarici KİV-ə istinadən xəbər verir ki, hadisə qurbanlarının sayı 46 nəfərə çatıb.
Ölənlər arasında qadın və uşaqların da olduğu bildirilib. Onlarla insan yaralı vəziyyətdə xəstəxanaya çatdırılıb.
Onlardan 22-nin vəziyyəti ağırdır.
Axtarış – xilasetmə əməliyyatları zamanı 75 nəfərin xilas edildiyi açıqlanıb. Dəhşətli hadisənin qaz sızması səbəbindən baş verdiyi ehtimal olunur.
Hazırda faktla bağlı araşdırmalar davam edir.
