Azərbaycan ərazilərinə qanunsuz səfər etmiş 58 nəfər xarici media nümayəndəsi "qara siyahı"dan çıxarılıb

Xarici İşlər Nazirliyi (XİN), Azərbaycan Mətbuat Şurası və Medianın İnkişafı Agentliyi (MEDİA) Azərbaycan ərazilərinə qanunsuz səfər etmiş bəzi xarici media nümayəndələrinin "qara siyahı"dan çıxarılması ilə bağlı bəyanat yayıb.

"Operativ Məlumat Mərkəzi-OMM" xəbər verir ki, bəyanat mətni XİN-də keçirilən brifinqdə Xarici İşlər Nazirliyinin Mətbuat xidməti idarəsinin rəisi, mətbuat katibi Ayxan Hacızadə oxuyub.

Bəyanatda 58 nəfərin adının "qara siyahı"dan çıxarıldığı bildirilir.