Daha bir piyada diqqətsizliyi ağır qəzaya səbəb olub.
Azərbaycan Dəmir Yollarından (ADY) "Operativ Məlumat Mərkəzi-OMM"-ə bildirilib ki, bu gün saat 20:55 radələrində ADY-yə məxsus teplovoz Tovuz stansiyasında hərəkətdə olarkən bir nəfər naməlum şəxs dəmir yolu xəttini müəyyən olunmamış yerdən qəfil keçməyə cəhd edib.
Maşinist təcili tormozlama aparsa da, məsafə az olduğundan toqquşma qaçılmaz olub və həmin şəxs hadisə nəticəsində dünyasını dəyişib.
