Böyük Britaniyada yerləşən "Uşaqları Qoruyaq" qeyri-hökumət təşkilatı bu il 17,6 milyondan çox uşağın aclıq içərisində doğulacağını bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, təşkilat bu barədə Ümumdünya Uşaqların Müdafiəsi Günü ilə bağlı yeni təhlilinində qeyd edib.
Belə ki BMT-nin Ərzaq və Kənd Təsərrüfatı Təşkilatının (FAO) qida çatışmazlığının yayılması ilə bağlı son ölkə məlumatlarından və doğulanların sayı ilə bağlı BMT-nin hesablamalarına istinadən yazılan statistikada bu rəqəmlərin 10 il əvvəllə müqayisədə 22 faiz artdığı göstərilib.
Təhlildə iqtisadi qeyri-sabitlik, münaqişələr və təkrarlanan iqlim dəyişikliklərinin dünyanın hər tərəfini təsir edən dağıdıcı aclıq böhranına töhfə verdiyi və bu il dünyada qidasız doğulanların 95 faizinin Afrika və Asiyada baş verəcəyi bildirilib.
