ABŞ Qəzza zolağında humanitar yardımların çatdırılması üçün müvəqqəti liman yaratmaq üçün regiondakı tərəfdaşları ilə əlaqə saxlamağa davam edir.
"Operativ Məlumat Mərkəzi-OMM" xəbər verir ki, bunu ABŞ Müdafiə Nazirliyinin mətbuat katibi Patrik Rayder deyib.
Onun sözlərinə görə, bu təşəbbüsün tamamlanması bir neçə həftə çəkə bilər.
“Təhlükəsizlik məsələlərində biz regiondakı tərəfdaşlarla koordinasiyanı davam etdiririk. BMT-dəki müttəfiqlər, tərəfdaşlar və humanitar qeyri-hökumət təşkilatları ilə Qəzzaya yardımın paylanması üzrə səylərimizi əlaqələndiririk. Vaxt baxımından biz bunu mümkün qədər tez təşkil etmək üçün çalışırıq, lakin planlaşdırmaq və həyata keçirmək üçün bir neçə həftə çəkəcəyini gözləyirik", - deyə P.Rayder əlavə edib.
Qeyd edib ki, ABŞ əsgərləri humanitar yardım apararkən Qəzza zolağında gəmilərdən düşməyəcək.
