Afət Ziyadqızı
Tehran nüvə sazişi ilə bağlı ABŞ prezidenti Donald Tramp administrasiyası ilə danışıqları bərpa etməkdən imtina etməsi halında, ABŞ İranın daha az zədələnmiş iki nüvə obyektinə əlavə hücumların mümkünlüyünü müzakirə edir.
"Operativ Məlumat Mərkəzi-OMM" xəbər verir ki, bu barədə NBC telekanalı mənbələrə istinadən məlumat yayıb.
Telekanalın bəyanatında deyilir ki, "İranın nüvə proqramına dəyən zərərlə bağlı ilkin tapıntılar yeni kəşfiyyat məlumatlarının gəlməsi ilə təsdiqlənərsə, ABŞ yenidən münaqişəyə qarışa bilər".
NBC-yə danışan mənbələr bildiriblər ki, ABŞ Mərkəzi Komandanlığı İrana hücum üçün “daha əhatəli plan” hazırlayır və bu, “bir gecədə deyil, həftələrlə davam edə biləcək” əməliyyatda üç əlavə hədəfi hədəfə ala bilər.
