Afət Ziyadqızı
Fələstinin Həmas hərəkatı, Qəzza zolağının sakinlərinə kömək etdiyini iddia edən xeyriyyə təşkilatları kimi təqdim olunan təşkilatlardan ayda 8 milyon dollardan 12 milyon dollara qədər onlayn ianə alır.
"Operativ Məlumat Mərkəzi-OMM" xəbər verir ki, bu barədə Bloomberg mənbələrə istinadən məlumat yayıb.
Agentlik İsrailin Terrorizmin Maliyyələşdirilməsi ilə Mübarizə üzrə Milli Bürosunun məlumatlarına istinad edərək, həmçinin qeyd edir ki, söhbət “onlayn maliyyələşdirmənin (Həmas üçün - redaktorun qeydi) İsrailə hücumdan əvvəl qrupun aldığı maliyyə ilə müqayisədə dəfələrlə artmasından” gedir.
Vaşinqtonun da HƏMAS-ın onlayn ianə saytlarından əhəmiyyətli vəsait aldığına inandığı və ABŞ-ın “İsrailin buna son qoymasına kömək etməkdə qərarlı” olduğu vurğulanır.
İsrail kəşfiyyatının məlumatına görə, İranın HƏMAS-ın hərbi səylərini ildə 100 milyon dollardan çox maliyyələşdirdiyi də bildirilir.
