ABŞ Azərbaycan və Ermənistanla tərəflərin razılaşa və irəliləyiş əldə edə biləcəyi istənilən formatda işləməyə hazırdır.
"Operativ Məlumat Mərkəzi-OMM" Ermənistan KİV-ə istinadən xəbər verir ki, bu barədə ATƏT-in Minsk qrupunun gələcək formatı və bu məsələ ilə bağlı Amerika tərəfinin mövqeyi ilə bağlı sorğuya cavab olaraq ABŞ Dövlət Departamentinin bəyanatında bildirilib.
“ABŞ hökuməti Ermənistanla Azərbaycanın uzunmüddətli və ləyaqətli sülh sazişinə nail olmaq səylərini dəstəkləyir. Biz tərəflərin razılaşa biləcəyi və irəliləyiş əldə edə biləcəkləri istənilən formatda hər iki tərəflə işləməyə hazırıq”, - bəyanatda qeyd edilib.
