ABŞ-də süni intellektin yaratdığı saxta seksual şəkilləri paylaşan şəxslər artıq həbs cəzasına məhkum edilə bilər.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Yeni qanun, həmçinin texnologiya şirkətlərindən məzmunu 48 saat ərzində silməyi tələb edir.
ABŞ prezidenti Donald Tramp Ağ Evdə keçirilən mərasimdə süni intellekt tərəfindən yaradılan açıq-saçıq seksual görüntülərin paylaşılmasını cinayət hesab edən “Take It Down Aktı”nı imzalayıb.
Qanun son illərdə məşhurlardan tutmuş orta məktəb şagirdlərinə qədər hər kəsi hədəf alan saxta seksual məzmunla mübarizədə mühüm dönüş nöqtəsi kimi qiymətləndirilir.
Yeni tənzimləmə həm real, həm də kompüter tərəfindən yaradılmış icazəsiz cinsi məzmunun internetdə yayılmasını federal cinayət hesab edir.
Texnologiya şirkətləri də 48 saat ərzində bu məzmunu silmək məcburiyyətində qalacaqlar.
