Azər İslah oğlu Paşayev

Azər İslah oğlu Paşayev Azərbaycan Dövlət Universitetinin hüquq fakültəsini 1989-cu ildə bitirib. 1989–1990-cı illərdə Azərbaycan ETMEİ-nin ekspert praktikası və ekspert profilaktikasının ümumiləşdirilməsi şöbəsində mütəxəssis, kiçik elmi işçi, 1990–1991-ci illərdə Ədliyyə Nazirliyinin "Sosialist qanunçuluğu" bülleteninin böyük redaktoru olub; Ədliyyə Nazirliyinin birinci şöbəsində ikinci dərəcəli mütəxəssis kimi də çalışıb.

1991–2010-cu illərdə prokurorluq orqanlarında işləyib: Respublika Prokurorluğunun müxtəlif idarə və şöbələrində prokuror, böyük prokuror, idarə və şöbə rəisinin müavini, Bakı Şəhər Prokurorluğunda prokuror, 2008–2010-cu illərdə Baş Prokurorluğun Prokurorluqda istintaqa nəzarət idarəsinin prokuroru olub. Abşeron rayon prokurorunun müavini vəzifəsində də çalışıb.

2010–2017-ci illərdə Bakı şəhəri Nəsimi Rayon Məhkəməsinin hakimi, 2017-ci ildən Bakı Ağır Cinayətlər Məhkəməsinin hakimi olub, sonra Bakı şəhəri Qaradağ Rayon Məhkəməsinin hakimi və sədri vəzifələrində çalışıb. Azərbaycan Respublikası Prezidentinin 2025-ci il 15 aprel tarixli Sərəncamı ilə Qaradağ Rayon Məhkəməsinin hakimi və sədri vəzifələrindən azad edilərək Bakı şəhəri Səbail Rayon Məhkəməsinin hakimi və sədri təyin edilib.

2018-ci ildən Azərbaycan Respublikası Ümumi Məhkəmə Hakimləri İctimai Birliyinin (Assosiasiyasının) və Azərbaycan Respublikası Məhkəmə Hakimləri Assosiasiyalarının İttifaqının təftiş komissiyalarının üzvüdür.

• 1989 — Azərbaycan Dövlət Universiteti, hüquq fakültəsi