Serbiya millisinin və "Torino"nun yarımmüdafiəçisi İvan İliç karyerasını Rusiya Premyer Liqasında davam etdirə bilər.

"Operativ Məlumat Mərkəzi-OMM" xəbər verir ki, bu barədə "Tuttosport" məlumat yayıb.

Qeyd edilib ki, "Zenit" klubu serb futbolçunu almaq istəyir. 

Komanda rəhbərliyi oyunçu üçün 25 milyon avro təklif etməyə hazırdır.

Futbolçunun "Torino" ilə müqaviləsi 2027-ci ilin ortalarına qədər hesablanıb, onun transfer dəyəri 18 milyon avro qiymətləndirilir.

"Turan Tovuz" Xəyal Nəcəfovla yeni müqavilə imzalayıb.

Klubdan "Operativ Məlumat Mərkəzi-OMM"-ə verilən məlumata görə, son iki mövsümü bölgə təmsilçisinin heyətində keçirən yarımmüdafiəçi ilə 2+1 illik müqavilə bağlanıb.

Qeyd edək ki, 26 yaşlı futbolçu “Turan Tovuz”un heyətində Premyer Liqada 57 oyunda meydana çıxıb.

“Şamaxı” müdafiəçi Kənan Quliyevlə yolları ayırıb.

"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat yayıb.

23 yaşlı futbolçu ilə müqaviləyə qarşılıqlı razılaşma əsasında xitam verilib.

Futbol üzrə Amerika Kubokunda III tura start verilib.

"Operativ Məlumat Mərkəzi-OMM" xəbər verir ki, ABŞ-də təşkil olunan turnirin A qrupunda Peru ilə qarşılaşan Argentina yığması 2:0 hesablı qələbə qazanıb.

Kanada - Çili qarşılşamasında isə qol vurulmayıb.

Qeyd edək ki, A qrupunda 9 xal toplayan Argentina 1/4 final mərhələsində mübarizə aparmaq hüququ qazanıb. Amerika Kubokunda debüt edən edən Kanada isə 4 xalla qrup ikincisi kimi növbəti mərhələyə yüksəlib.

Almaniyada təşkil olunan futbol üzrə Avropa çempionatında Almaniya və Danimarka yığmaları arasında 1/8 final görüşü başa çatıb.

"Operativ Məlumat Mərkəzi-OMM" xəbər verir ki, Dortmundun "Siqnal İduna Park" stadionunda reallaşan matçda meydan sahibləri qələbə qazanıb - 2:0.

Görüşdə hesabı 53-cü dəqiqədə penalti zərbəsindən Kay Haverts açıb. 68-ci dəqiqədə Camal Musiala danimarkalıları növbəti dəfə oyuna mərkəzdən başlamağa məcbur etməklə yekun hesabı müəyyənləşdirib.

Qeyd edək ki, 1/4 finala yüksələn Almaniyanın rəqibi İspaniya - Gürcüstan cütünün qalibi olacaq.

Almaniyada təşkil olunan futbol üzrə Avropa çempionatında İsveçrə və İtaliya yığmaları arasında 1/8 final görüşü başa çatıb.

"Operativ Məlumat Mərkəzi-OMM" xəbər verir ki, Berlindəki Olimpiya stadionunda reallaşan matç isveçrəlilərin 2:0 hesablı qələbəsi ilə başa çatıb.

Görüşdə hesabı 37-ci dəqiqədə Remo Froyler açıb. 46-cı dəqiqədə Ruben Varqas yekun hesabı təyin edib.

Qeyd edək ki, bu nəticənin ardından 1/4 finala yüksələn İsveçrənin rəqibi İngiltərə - Slovakiya cütünün qalibi olacaq.