İtaliyada səfərdə olan Ukrayna prezidenti Vladimir Zelenski həmkarı Serxio Matarella ilə görüşüb.
"Operativ Məlumat Mərkəzi-OMM" xəbər verir ki, paytaxt Romada baş tutan görüş zamanı liderlər Rusiya ilə müharibədə Ukraynanın qələbəsinin əhəmiyyəti barədə danışıb.
Zelenski yağışa baxmayaraq, paytaxt küçələrində Ukraynaya dəstək nümayiş etdirən üçün çox sayda insanın olduğunu diqqətə çatdırıb.
"Müqavimət göstərməyə imkan verən mühüm müdafiə yardımına görə İtaliyaya son dərəcə minnətdarıq. Lazımi yardımın vaxtında alınması döyüş meydanındakı uğurumuzun açarıdır", - deyə dövlət başçısı bildirib.
V.Zelenski S.Matarella ilə görüşdən sonra İtaliyanın baş naziri Corca Meloni ilə görüşüb.
Qeyd edək ki, Ukrayna prezidentinin İtaliya səfəri çərçivəsində Roma Papası Fransisklə də görüşü gözlənilir. Tərəflər arasında sonuncu üzbəüz görüş 2020-ci ildə Vatikanda baş tutub.
