Rusiya Xarici İşlər Nazirliyinin sözçüsü Mariya Zaxarova Qərbin inkişaf etməkdə olan ölkələrdən təbii sərvətləri əldə etmək üçün informasiya texnologiyaları transferi mexanizmindən istifadə edə biləcəyini bildirib.
"Operativ Məlumat Mərkəzi-OMM" xəbər verir ki, o, bu barədə Beynəlxalq Təhlükəsizlik Forumunda çıxışı zamanı danışıb.
Zaxarovanın sözlərinə görə, “İT texnologiyaları xeyriyyəçilik adı altında inkişaf etməkdə olan ölkələrə ötürülür, eyni zamanda resurs müqavilələri ağır və asılılıq yaradan şərtlərlə bağlanır”.
Diplomat əlavə edib ki, bu proses nəticəsində İT sektorunda təqdim edilən hazır məhsullar həmin ölkələrin Qərbdən asılılığını artırır və bunun qarşılığında onlar təbii sərvətlərindən imtina etməyə məcbur qala bilirlər.
Forum 26–29 may tarixlərində Moskva vilayətində Rusiya Təhlükəsizlik Şurasının himayəsi altında keçirilir.
